Premyer Liqada Avroliqaya vəsiqə qazanan sonuncu komanda da müəyyənləşib.
Newsport.az-ın məlumatına görə, bu, Bakının "Zirə" klubudur. Son turda AZAL-a 3:0 hesabı ilə qalib gələn Ayxan Abbasovun komandası turniri 4-cü pillədə başa vurub. Bununla da "Zirə" növbəti mövsüm üçün Avroliqaya vəsiqə qazanıb.
Qeyd edək ki, bundan əvvəl Premyer Liqada bu mövsümün qalibi "Qarabağ" 2017/2018 mövsümündə Çempionlar Liqasında, "Qəbələ" və "İnter" isə Avroliqada oynayacağı dəqiqləşib.