Bu həftə Azərbaycan Premyer Liqasında 2016-2017-ci illər mövsümünə yekun vurulacaq.
Newsport.az-ın məlumatına görə, “Qəbələ” IV dövrə və mövsümün son matçını səfərdə keçirəcək. “Qırmızı-qaralar” XXVIII turda “Sumqayıt”la görüşəcək. Bu matç komandalar arasında 20-ci duel olacaq. İndiyədək yalnız Premyer Liqada yolları kəsişən rəqiblər 19 dəfə üz-üzə gəlib. Əvvəlki görüşlərdə “Qəbələ” böyük üstünlüyə malikdir. “Qırmızı-qaralar” 13 qələbə qazanıbsa, yalnız 1 dəfə meydandan xalsız ayrılıb. Digər 5 qarşılaşmada qalib müəyyənləşməyib. Rəqib qapısına 37 qol vuran komandamız əvvəlki matçların hamısında rəqib qapısına yol tapıb. “Qırmızı-qaralar” öz qapısında 14 top görüb.
“Sumqayıt”ın meydanındakı matçlarda da üstünlük “Qəbələ”nin tərəfindədir. “Qırmızı-qaralar” rəqib meydanında 4 qələbə qazanıb, eyni sayda heç-heçə edib və yalnız bir dəfə uduzub. Səfərdə 15 qol vuran futbolçularımız 5 top buraxıb.
“Sumqayıt”la oyunlarda “Qəbələ”nin 22 futbolçusu qol sevinci yaşayıb. Daha bir dəfə rəqib futbolçu Cəmil Hacıyev öz qapısına qol vurub. “Qırmızı-qaralar”ın bu matçlardakı ən yaxşı bombardiri Viktor Mendidir. Onun hesabında 7 qol var. Aleksey Qay və Dodo hərəyə 3 dəfə fərqləniblər. Umar Kalabane, Baqali Dabo, Cavid Hüseynov və Lorenzo Ebesilio isə bu duellərdə 2 qola seviniblər.
Xatırladaq ki, “Sumqayıt” – “Qəbələ” oyunu aprelin 29-da keçiriləcək.
“Sumqayıt” - “Qəbələ”: Bütün oyunlar
2011/12 mövsümü
14.08.2011. Sumqayıt Şəhər - Qəbələ - 1:2
Orxan Əliyev, 90+3 - Dodo, 5, Daniel Lopes Kruz, 41
04.12.2011. Qəbələ - Siumqayıt Şəhər – 3:1
Serge Djiehoua, 37, Dodo, 70, Viktor Mendi, 86 - Samir Abbasov, 39
2012/13 mövsümü
26.08.2012. Qəbələ - Sumqayıt - 4:1
Bruno da Silva, 33, Umar Kalabane, 53, Rəşad Abdullayev, 55, Umar Kalabane, 71 - Ruslan Qurbanov, 18
08.12.2012. Sumqayıt - Qəbələ - 0:1
Viktor Mendi, 39
2013/14 mövsümü
19.08.2013. Sumqayıt - Qəbələ - 2:1
Vüqar Əsgərov,4, Ruslan Qurbanov, 62-p. - Yannik Kamanan, 12
25.10.2013. Qəbələ - Sumqayıt - 2:0
Daniel Subotiç, 24, Dodo, 63
02.02.2014. Sumqayıt - Qəbələ - 0:3
Viktor Mendi, 3, Lorenzo Ebesilio, 55, Leonardo da Silva, 57
17.05.2014. Qəbələ - Sumqayıt - 3:1
Viktor Mendi, 39, Lorenzo Ebesilio, 86, Abdulvahid Afolabi, 90+2 - Məhəmməd Qurbanov, 7
2014/15 mövsümü
24.10.2014. Qəbələ - Sumqayıt - 3:1
Cavid Hüseynov, 77, Pavol Farkaş, 88, Ekiqo Ehiosun, 90+2 - Ramazan Abbasov, 40
18.12.2014. Sumqayıt - Qəbələ - 1:1
Məhəmməd Qurbanov, 67 - Cavid Hüseynov, 86-p.
08.03.2015. Qəbələ - Sumqayıt - 2:0
Viktor Mendi, 23, 34
08.05.2015. Sumqayıt - Qəbələ - 0:2
Aleksey Qay, 39, Viktor Mendi, 41
2015/16 mövsümü
21.09.2015. Qəbələ - Sumqayıt - 1:0
Aleksey Qay, 90+2 (p.)
21.11.2015. Sumqayıt - Qəbələ - 2:2
Uğur Pamuk, 29, Ağabala Ramazanov, 69 - Cəmil Hacıyev, 40 (ö.q), Samir Zərgərov, 71
14.02.2016. Qəbələ - Sumqayıt - 1:0
Ermin Zets, 69
09.04.2016. Sumqayıt - Qəbələ - 1:1
Aleksey Qay, 65 - Pərdis Fərcad-Azad, 85 (p.)
2016/17 mövsümü
22.09.2016. Qəbələ - Sumqayıt - 2:0
Baqali Dabo, 85; 90
25.10.2016. Sumqayıt - Qəbələ - 2:2
Yusif Nəbiyev, 47; Amil Yunanov, 90+4 (p.) - Rəşad Eyubov, 64; Filip Ozobiç, 73
28.01.2017. Qəbələ - Sumqayıt - 1:1
Vitali Vernidub, 58 - Məhəmməd Qurbanov, 53
