“Qalatasaray”ın hücumçusu Viktor Osimhen UEFA Çempionlar Liqasının 2-ci turunda “Barselona” ilə keçiriləcək matçda iştirak edə bilər.

Newsport.az xəbər verir ki, bu barədə “Mundo Deportivo” nəşri məlumat yayıb.

Bildirilir ki, zədə səbəbindən bir müddət yaşıl meydanlardan uzaq qalan Osimhen “Qalatasaray”la məşqlərə qayıdıb. İstanbul təmsilçisində onun “Barselona” ilə qarşılaşmada meydana çıxacağına ümid edirlər.

Qərarın isə matça yaxın veriləcəyi qeyd olunub. “Qalatasaray”ın həkimi Yener İnce futbolçunun durumunu belə şərh edib:

“Osimhenin bərpa prosesi çox yaxşı gedir. O, komanda ilə bir neçə məşqdə iştirak edib. Ancaq risk etmək istəmirik. Qərarı testlərin nəticələrinə əsasən verəcəyik”.

“Qalatasaray” – “Barselona” matçı oktyabrın 13-də keçiriləcək. Qarşılaşmanın start fiti saat 23:00-da səslənəcək.

Kataloniya təmsilçisi Azərbaycan çempionu “Sabah”ın da Çempionlar Liqasındakı rəqiblərindən biridir. Tərəflər noyabrın 25-də, Bakıdakı Olimpiya stadionunda üz-üzə gələcəklər.