“Barselona”nın baş məşqçisi Hans-Diter Flik “Elçe” ilə oyunda zədələnən komandanın yarımmüdafiəçisi Qavinin vəziyyətinə aydınlıq gətirib. Futbolçu ilk hissənin sonlarında oyunu davam etdirə bilməyib və Pedri ilə əvəzlənib.

Newsport.az xarici KİV-ə istinadən xəbər verir ki, baş məşqçi tibbi müayinələrin nəticəsini gözləməyin gərək olduğunu bildirib:

“Qavinin tibbi müayinələrinin nəticələrini gözləməliyik. Bu, onun dizidir. Əvəz edildikdən dərhal sonra düşündüyü qədər pis deyil. Oyundan bəri daha yaxşı vəziyyətdədir. Görəcəyik”.

Qavi 2025-ci ilin avqustundan bu ilin mayına qədər diz əməliyyatından sonra bərpa prosesi keçib.

“Barselona” qarşılaşmada 5:0 hesabı ilə qalib gəlib. Rafinya 2, Fermin Lopes 2, yeni transfer Kərim Adeyemi isə 1 qol vurub.