"Qalatasaray" yarımmüdafiəçi Aleksey Batrakovun keçidi ilə bağlı təklifinə təyin olunmuş müddətdə hələ də cavab almayıb və "Lokomotiv"ə vaxt verib.

Newsport.az xəbər verir ki, bu barədə insayder Emre Çingiler "X" sosial şəbəkəsində məlumat yayıb.

Bildirilir ki, Batrakov klubuna təzyiq göstərməkdə davam edir, çünki o, sövdələşmənin başa çatmasını və Avropa klubuna keçməsini tələb edir.

Qeyd olunur ki, transferin reallaşması üçün oyunçu tərəfindən başqa addımlar da atıla bilər. O, məhz "Qalatasaray"a keçmək niyyətində qətidir.

Batrakovun "qırmızı-yaşıllar"la müqaviləsi 2029-cu ilin yayına qədər nəzərdə tutulub. "Transfermarkt" portalında futbolçunun təxmini dəyəri 28 milyon avrodur.