“Dinamo”nun(Kiyev) sabiq yarımmüdafiəçisi və “Keşlə”nin (indiki “Şamaxı”) keçmiş baş məşqçisi Yuri Maksimov Konfransı Liqasının təsnifat seçmə mərhələsinin üçüncü turunda kiyevlilərin "Qarabağ"a qalib gəlməsini (1:0)şərh edib.

Newsport.az xəbər verir ki, “Sport-Express.ua” portalına danışan mütəxəssis "Qarabağ"ı "Şaxtyor"a bənzədib:

“Qələbə qələbədir. Təəssüratlarım mütləq şəkildə müsbətdir. Məncə, İqor Kostyuk oyun üçün heyəti və taktikanı düzgün seçmişdi. Kiyev klubu müdafiədə ağıllı oynadı, “Qarabağ” isə... Bilirsiniz, “Qarabağ” mənə bir qədər "Şaxtyor"u xatırlatdı: uzun müddət topa sahib çıxdılar, oyuna nəzarət edirdilər və hücumlarını hazırlamaq üçün çox vaxt sərf etdilər - və hamısı boş yerə. İki oyunda (0-0, 0-0, penaltilərdə 4:5) ÇSKA-ya (Sofiya) qarşı bir qol belə vura bilmədilər. Belə də, yenə eyni şey. "Qarabağ" yeni mövsümün əvvəlində o qədər də inandırıcı görünmür. Bəlkə də komanda bir növ yenidənqurma, geriləmə və ya bir neçə əsas oyunçunun getməsi təsir edib. Ötən mövsüm "Qarabağ" xeyli güclü idi”.