Azərbaycan klubları EFC-nin Baş Assambleyasında

Kateqoriya: Ölkə futbolu | Tarix: 30.09.2026 10:00

Avropa Futbol Klublarının (EFC) 33-cü Baş Assambleyası keçirilib.

Newsport.az xəbər verir ki, tədbirdə quruma üzv olan Azərbaycan klublarının nümayəndələri də iştirak ediblər.

Assambleyada Azərbaycanı “Qarabağ”, “Sabah”, “Neftçi”, “Zirə”, “Turan Tovuz”, “Sumqayıt”, “Şəfa” və “İmişli” klublarının rəsmiləri təmsil ediblər. “Araz-Naxçıvan” isə üzrlü səbəbdən tədbirə qatılmayıb.

Tədbirdə EFC prezidenti Nassir Əl-Xelaifi və UEFA prezidenti Aleksander Çeferin də iştirak ediblər.

Qeyd edək ki, 900-dən çox klubu birləşdirən EFC Avropa peşəkar futbol klublarının maraqlarını təmsil edən təşkilatdır. Qurumun İcraiyyə Komitəsinin üzvləri arasında “Qarabağ”ın İdarə Heyətinin üzvü Asif Əsgərov da yer alır.

Baş Assambleyada Avropa klub futbolunun aktual məsələləri, klubların maraqlarının qorunması və beynəlxalq futbol qurumları ilə əməkdaşlıq mövzuları müzakirə olunub.

Paylaş