"Qarabağ"ın futbolçusu Elvin Cəfərquliyev zədələnib.
Newsport.az-ın məlumatına görə, cinah müdafiəçisi Çempionlar Liqasının 2-ci təsnifat mərhələsində keçirilən Polşa "Rakov"u ilə ilk oyunda sıradan çıxıb. Əzələsi dartlan 22 yaşlı müdafiəçi 70-ci dəqiqədə Maksim Medvedevlə əvəzlənib.
Onun durumu tibbi müayinədən keçdikdən sonra dəqiqləşəcək.
Xatırladaq ki, "Qarabağ"ın digər cinah müdafiəçisi Marko Veşoviç də zədəlidir. O, ən azı 3-4 həftə meydana çıxa bilməyəcək.