Azərbaycan Kubokunun "Qəbələ" ilə final matçının əsas vaxtının son dəqiqələrində "Neftçi"nin futbolçusu Eddi İsrafilovla baş məşqçi Laurentsiu Regekampf arasında xoş olmayan hadisə yaşanıb.

Newsport.az xəbər verir ki, qarşılaşmanın 90+1-ci dəqiqəsində Fərid Yusifli ilə əvəzlənən 30 yaşlı yarımmüdafiəçi bundan məmnun olmayıb. Eddi baş məşqçiyə çiyni ilə toxunaraq ona etirazını bildirib.

Qeyd edək ki, "Neftçi" - "Qəbələ" görüşünün əsas vaxtı qolsuz bərabərliklə yekunlaşıb. Əlavə vaxtda fərqlənən əyalət təmsilçisi ölkə kubokunu başı üzərinə qaldırıb.