Millətlər Liqasında Azərbaycan millisinin rəqiblərindən olan Qazaxıstan yığmasının ev oyunlarını keçirəcəyi stadionun adı açıqlanıb.
Newsport.az UEFA-nın rəsmi saytına istinadən xəbər verir ki, oyunlar paytaxt Nur-Sultandakı "Astana Arena"da keçiriləcək və Bakı vaxtı ilə saat 18:00-da başlayacaq.
Qeyd edək ki, yığmamızın Millətlər Liqasında ilk oyununu iyunun 3-də səfərdə Qazaxıstana qarşı keçirəcək.
UEFA-nın məlumatına görə, millimizin ilk ev oyununun məkanı da bəlli olub. İyunun 10-da Slovakiyaya qarşı Bakıda keçiriləcək görüş "Dalğa Arena"da baş tutacaq. Matç 20:00-da start götürəcək.