2019-cu ilin dünya çempionu Cad Tramp snuker üzrə Çində keçirilən “Wuhan Open” turnirinin qalibi olub. İdmançı həmyerlisi, 2008 və 2012-ci il dünya çempionatının finalçısı Alister Karter üzərində inamlı qələbə qazanıb. Görüş 10:7 hesabı ilə başa çatıb.

Final matçının ilk sessiyasından sonra Karter 5:4 hesabı ilə öndə olub.

Cad Tramp ardıcıl ikinci titulunu qazanıb. Bir həftə əvvəl idmançı “İngiltərə Açıq turniri”nin də qalibi olmuşdu. Ümumilikdə Tramp snuker turnirlərində 25-ci titulunu əldə edib.

Tramp “Wuhan Open”də qazandığı qələbəyə görə 140 min funt sterlinq alacaq. O, həm də dünya reytinqində dördüncü yerini qoruyub saxlayacaq.