“Bayern”in baş məşqçisi Tomas Tuhel bu mövsüm önəmli uğurlar qazanacaqların əmindir. Alman mütəxəssis çıxış etdikləri bütün yarışlarda hədəfə kökləniblər.

Newsport.az “Bild”ə istinadla xəbər verir ki, Tuhel əla heyətlərinin olduğunu bildirib. Amma o, bir oyunçunun üzərində xüsusilə dayanıb: “Camal Musiala ondan nə istədiyimi bilir və bacardığını edir. Sağlam olması vacibdir, sabit çıxış edə bilsə, bu, nəticələrimizə müsbət təsir edəcək. “Mançester Yunayted”lə ÇL oyunundan sonra özünü bir qədər narahat hiss etdi. Yenidən zədələnməməsi üçün “Bohum”la matçda onu qoruduq. Risk etmək istəmirik, lakin o da çalışmalı, daim sağlam qalmalıdır”.

Tuhel gənc futbolçunun istedadına güvənir: “O, meydanda fərq yarada bilən biridir. Məsələ qol vurmasında, assist etməsində deyil, Camal oyuna ağırlıq qoyur. Özü də özündən çox şey tələb edir və bu, yaxşıdır”.