Lionel Messi yeni klubu "İnter Mayami"də debüt edib.
Newsport.az-ın məlumatına görə, argentinalı hücumçu Şimali Amerika Liqa Kubokunun ilk turunun "Krus Asul"la matçında iştirak edib. 36 yaşlı ön xətt oyunçusu 54-cü dəqiqədə meydana daxil olub.
Qarşılaşma "İnter Mayami"nin 2:1 hesablı qələbəsi ilə başa çatıb. Lionel Messi 90+4-cü dəqiqədə cərimə zərbəsindən komandasına qələbə qazandıran qolu vurub.
