Azərbaycanlı futbolçu Ricat Qarayev Polşada klubunu dəyişib.

Newsport.az-ın məlumatına görə, 23 yaşlı sağ cinah müdafiəçisi "Flota"ya keçib. Bu barədə III Liqa təmsilçisinin mətbuat xidməti məlumat yayıb.

Azərbaycanın U-21 milli komandasının sabiq üzvü ilə 2023/2024 mövsümünün sonuna kimi nəzərdə tutulan müqavilə imzalanıb.

Qeyd edək ki, Ricat Qarayev karyerası ərzində "Sumqayıt", "Şamaxı", "Sabah", "Neftçi", "İrao" (Gürcüstan), "Qaradabani" (Gürcüstan) klublarında çıxış edib. O, son olaraq Polşada "Şeçinek"in formasını geyinib.