“Sabah”ın üzvü Aleksey Kaşuk Ukraynanın gənclər millisində növbəti oyununa çıxıb. 

Newsport.az-ın məlumatına görə, Ukraynanın U-21 yığması yoxlama oyununda İrlandiyanın eyni yaş qrupu üzrə millisi ilə üz-üzə gəlib. Kaşuk meydana start heyətində çıxıb. 

Matçın gedişində ukraynanılar iki dəfə hesabda önə keçsələr də, yekunda heç-heçə qeydə alınıb - 2:2. Ukrayna millisi hər iki qolu penaltidən vurub. 

Qeyd edək ki, icarə əsasında çıxış etdiyi “Sabah”da uğurlu mövsüm keçirən Aleksey Kaşuku müqavilə ilə məxsus olduğu Donetsk “Şaxtyor”u heyətinə geri qaytarmaq istəyir.