Yeni mövsüm İngiltərə Premyer Liqasında oynamaq hüququ qazanan ikinci komanda da müəyyənləşib.
Newsport.az xəbər verir ki, bu, "Şeffild Yunayted"dir. Komanda Çempionşipin 38-ci turunun təxirə salınmış matçında "Vest Bromviç"ə 2:0 hesabı ilə qalib gəlib. Bununla da komanda yarışın bitməsinə 2 tur qalmış 2-ci pilləni rəsmiləşdirib. "Şeffild Yunayted" "Bernli"dən sonra elitaya vəsiqə qazanan 2-ci komanda olub.
Qeyd edək ki, Premyer Liqaya yüksələcək sonuncu komanda pley-off üsulu ilə müəyyənləşəcək. Çempionatda bu mövsümü 3, 4, 5 və 6-cı yerdə başa vuran klublar arasında mübarizədən qalib ayrılan komanda Premyer Liqaya yüksələcək. İndiyə kimi “Luton” və “Midlsbro” pley-offa vəsiqə qazanıb.