“Milan”ın qapıçısı libero kimi oynayır” Luçano Spalletti

Kateqoriya: Dünya futbolu | Tarix: 18.04.2023 13:37

“Napoli”nin baş məşqçisi Luçano Spalletti Çempionlar Liqasının 1/4 final mərhələsinin “Milan”la cavab oyunu öncəsi gözləntilərini bölüşüb. Newsport.az UEFA-nın saytına istinadən xəbər verir ki, italiyalı mütəxəssis komandasına inandığını bildiri:

“Biz detallar və ilk oyunda baş verənlər üzərində işləyirik. Hər zaman yaxşılaşdırıla bilən şeylər var. “Milan”ın texniki komandası, motoru var. Onların qapıçısı libero kimi oynayır. Bunlara diqqət etsək, biz onlardan daha yaxşı vəziyyətdə olacağıq. Biz təcrübəliyik. Qarşıda yetkinlik və xarakter nümayiş etdirdiyimiz çoxlu Çempionlar Liqası matçları var. Bu keyfiyyətləri yenidən üzə çıxara bilməməyimiz üçün heç bir səbəb görmürəm. Nəticəni dəyişmək həmişə mümkündür. İnanıram ki, komanda bunu bacaracaq”.

Qeyd edək ki, “Napoli” – “Milan” oyunu bu gün keçiriləcək. İlk görüşdə milanlılar minimal hesablı qələbə seviniblər – 1:0.

Paylaş