Ralf Ranqnik: "Azərbaycanla matçda qələbə qazanmaq istəyirik"

Avstriya milli komandasının baş məşqçisi Ralf Ranqnik Avro-2024-ün seçmə mərhələsinin Azərbaycanla matçından öncə keçirilən mətbuat konfransında iştirak edib.

Newsport.az-ın məlumatına görə, 64 yaşlı mütəxəssis yığmamızın topa sahib olmağı bacaran güclü komanda olduğunu deyib:

"Topa sahib olmağı bacaran güclü komandaya qarşı oynayacağıq. Rəqib ardıcıl 5 oyundur ki, uduzmur. Heyətimizdə itkilər var. Bunların öhdəsindən gəlmək üçün kifayət qədər keyfiyyətimiz var. Komanda məşqdə çox yaxşı təsir bağışladı. Tam əminəm ki, oyuna güclü tərəflərini meydanda göstərəcək komanda ilə çıxacağıq. Bu oyunda mütləq qələbə qazanmaq istəyirik".

Qeyd edək ki, Avstriya - Azərbaycan qarşılaşması 24 mart tarixində, Bakı vaxtilə saat 23:45-də, "Rayffayzen Arena"da baş tutacaq.





Xəbər lenti







Neftçi Qarabağ Qəbələ Sumqayıt Kəpəz Sabah Araz-Naxçıvan Səbail Turan Tovuz Zirə
Banner left
Banner right