PSJ Serxio Ramos ilə yeni müqavilə bağlamağa tələsmir. İspan müdafiəçi ilə bir müddətdir aparılan müzakirələr dayandırılıb.

Parislilər mərkəz müdafiəçisi haqda qərarı onun qalan oyunlardakı çıxışına baxaraq verəcək. Milan Şkrinyarı transfer etdiyi dəqiqləşən Fransa klubu, Serxionun həqiqətən komandaya xeyir verəcək səviyyədə olduğunu görmək istəyir.

PSJ-nin müqavilə barəsində qərarı yaya saxlamasının bir səbəbi də maliyyə şərtləridir. Ramos Səudiyyə Ərəbistanından çox sərfəli təklif aldığını deyərək maaşının artırılmasını tələb edib. Klub isə Lionel Messiylə bağlı məsələdə olduğu kimi, qərarı mövsümün bitiminə saxlayıb.