Son günlər “Liverpul” azarkeşlərinin qınağına tuş gələn Kodi Qakpo bunun səbəb olan açıqlamaya aydınlıq gətirib. O, “Mançester Yunayted” azarkeşi olmadığını bildirib.

Newsport.az xəbər verir ki, PSV-nin baş məşqçisi Ruud van Nistelroy Niderland millisinin üzvünün MY fanatı olduğunu, Vircil van Deyklə söhbətdən sonra “Liverpul”a keçməyə qərar verdiyini bildirmişdi. Amma Qakpo keçmiş məşqçisinin dediklərini qismən təkzib edib.

Kodi vaxtilə “Mançester Yunayted”də oynamış van Nisteltoryla məsləhətləşdiyini etiraf edib: “Bəli, onunla “Qırmızı şeytanlar” barədə çox danışdım, bu kluba keçidim də yaxın görünürdü. Anca bu qış hər hansı müzakirəmiz olmayıb. Ruud böyük kluba keçməyimi tövsiyyə edirdi və “Liverpul”a gələrək bunu bacardım. Yanvarda bu klubdan dəvət gələn kimi qərarımı verdim. “Çelsi”dən təklif var idi, amma o zamanadək seçimimi etmişdim”.