"Barselona"nın baş məşqçisi Xavi "Real" haqda danışıb.

Newsport.az sport.es-ə istinadən xəbər verir ki, o, lider olmalarına baxmayaraq, hələ də Madrid klubunu La Liqada çempionluğa namizəd hesab edir: "Real" istənilən komandanı məğlub edə bilər və onlar hələ də "Kamp Nou"ya gəlməlidirlər. Hər oyun müharibə olacaq və bu, son deyil. "Barselona"nı favorit yox, namizəd hesab edirəm. İspaniya çempionatının və Çempionlar Liqasının hazırkı qalibi "Real" favoritliyə  davam edir. Qalan bütün titulları qazanmaq imkanımız var, amma bunu meydanda təsdiqləməliyik. Eyforiya yaxşıdır, ancaq bunun qarşısını almaq lazımdır”.