Lionel Messinin PSJ-dəki gələcəyi müəyyənləşmək üzrədir.
Newsport.az-ın məlumatına görə, argentinalı futbolçu Paris təmsilçisi ilə yeni müqavilə barədə razılıq əldə edib. Bu barədə "Le Parisien" nəşri məlumat yayıb. 35 yaşlı hücumçunun sözləşməsi 2023/24 mövsümünün sonuna kimi uzadılacaq.
Qeyd edək ki, Messi 2021-ci ilin yayından PSJ-də çıxış edir. Təcrübəli futbolçu cari mövsümdə Fransa klubunun heyətində meydana çıxdığı 19 matçda 12 qol və 14 məhsuldar ötürmə ilə yadda qalıb. Onun PSJ ilə hazırkı müqaviləsi mövsümün sonunda bitir.