Hazırda azad agent olan portuqaliyalı hücumçu Kriştiano Ronaldoya cəmi bir rəsmi təklif irəli sürülüb.

Newsport.az xəbər verir ki, bu barədə İspaniyanın "AS" nəşri  məlumat yayıb. Bunun Səudiyyə Ərəbistanının "Əl-Nəsr" klubu olduğu bildirilir.

"Mançester Yunayted"dən ayrılan futbolçunu heyətində bir çox klub görmək istəyər. Lakin 37 yaşlı oyunçu üçün rəsmi təklifi ancaq Əl-Riyad təmsilçisi irəli sürüb. Qətərin "Əl-Sədd" klubu da Ronaldo variantinı nəzərdən keçirsə də, məsələ danışıqlar səviyyəsinə çatmayıb.

Mənbənin məlumatına görə, Ronaldo "Əl-Nəsr"ə keçərsə, onun reklamlar daxil illik gəliri 200 milyon avrodan çox olmayacaq. Daha əvvəl Səudiyyə klubu bildirmişdi ki, portuqaliyalı ilə 2022-ci ilin sonuna qədər müqavilə bağlayacağını gözləyir.

Xatırladaq ki, Kriştiano Ronaldo bu mövsümü "Mançester Yunayted"də başlasa da, DÇ-2022 ərəfəsində ingilis klubu ilə müqaviləni qarşılıqlı razılaşma ilə ləğv edib.