PSJ-nin sahibi Nasser Əl-Xelaifi Markus Reşfordla maraqlandıqları barədə xəbərləri təsdiq edib. O, İngiltərə millisinin üzvü ilə maraqlandıqlarını bildirilib.

Newsport.az xəbər verir ki, qətərli iş adamı “Mançester Yunayted”in hücumçusu ilə zamanı gələndə təmasa keçəcəklərini deyib: “Reşford əla oyunçudur. Hər klub onun üçün mübarizə aparacaq. PSJ buu gizlətmir. Daha öncə müəyyən əlaqələr qurduq və bunu gizlətmirəm. Amma uyğun zaman deyildi”.

Əl-Xelaifi yayda 25 yaşlı oyunçuu transfer etmək üçün çalışacaqlarını vəd etməyib: “Hələ tam qərar verməmişik. Azad agent olarsa, mütləq buna cəhd edəcəyik. Amma indi hələ bu barədə düşünmürük”.

Xatırladaq Markusun “Mançester Yunayted”lə müqaviləsi 2023-cü ilin yayında başa çatır. O, daha ciddi təkliflər aldığı üçün yeni anlaşma barədə danışıqlardan imtina edib.