"Mançester Yunayted"dən ayrıldıqdan sonra klubsuz qalmış Kriştiano Ronaldo özünə yeni komanda tapıb.

Newsport.az "Marca"ya istinadən xəbər verir ki, təcrübəli hücumçu Səudiyyə Ərəbistanında oynayacaq.

Belə ki, 37 yaşlı futbolçu "Əl-Nəsr"lə anlaşıb. Ronaldonun yeni klubu ilə 2,5 illik müqavilə imzalayacağı gözlənilir. Məlumata görə, o, yanvarın 1-dən Səudiyyə Ərəbistanı təmsilçisinin heyətində çıxış edəcək. Müqavilə məbləğinin 500 milyon avro olduğu bildirilir.

​Rudi Qarsiyanın baş məşqçisi olduğu klubda Vinsent Abubakar, David Ospina, Talişka kimi futbolçular çıxış edir.