"Real"ın baş məşqçisi Karlo Ançelotti La Liqanın 14-cü turunda ötən gecə "Kadis"lə oyunda Luka Modriçin topu boş qapıya göndərə bilməməsinə münasibət bildirib.

Newsport.az xəbər verir ki, italyan mütəxəssis 2:1 hesabı ilə qalib gəldikləri oyundan sonra keçirilən mətbuat konfransında epizod haqda zarafatla danışıb:

"Həmin epizodu görəndə dedim Modriçin bəxti gətirib ki, Xorvatiya millisinin dünya çempionatı üçün heyəti artıq açıqlanıb".

Qeyd edək ki, Xorvatiya millisinin 37 yaşlı kapitanı yığmanın mudial üçün heyətində yer alıb.