"Barselona"nın keçmiş futbolçusu Andres İnyesta sabiq komanda yoldaşı Lionel Messinin Kataloniya klubuna mümkün qayıdışından danışıb.
Newsport.az xəbər verir ki, ispaniyalı yarımmüdafiəçi "La Gazetta dello Sport"a açıqlamasında hazırda PSJ-də çıxış edən futbolçunu geri qaytarmağın çətin olacağını bildirib:
"Futbolda heç vaxt nəyisə dəqiq deyə bilməzsən. Amma Messini qaytarmaq çətin olacaq".
Qeyd edək ki, "Barselona"nın Messini 2023-cü ildə yenidən heyətinə cəlb etmək istədiyi, PSJ-nin isə argentinalı ilə müqaviləni artırmaq niyyətində olması haqda xəbərlər yayılıb.
Hazırda Yaponiyanın "Vissel Kobe" klubunda çıxış edən İnyesta 2002-2018, Messi isə 2003-2021-ci illərdə "Barselona"da oynayıb.