Türkiyənin “Başakşəhər” klubunun yarımmüdafiəçi Mesut Özil əməliyyat olunub.

Newsport.az-ın məlumatına görə, bu barədə Super Liqa təmsilçisinin mətbuat xidməti məlumat yayıb.

Təcrübəli futbolçu belində yaranmış problemlə əlaqədar əməliyyat masasına uzanmaq məcburiyyətində qalıb. Bu gün baş tutan və 3 saat sürən əməliyyatın uğurlu keçdiyi diqqətə çatdırlıb. Özilin bu zədəyə görə azı 3 ay yaşıl meydanlardan uzaq qalması gözlənilir.

Xatırladaq ki, Mesut Özil bu yay “Fənərbaxça”dan ayrılaraq “Başakşəhər”lə 1+1 illik sözləşməyə imza atıb. 33 yaşlı futbolçu İstanbul təmsilçisinin heyətində cəmi 3 matça çıxıb.