İngiltərənin "Lester Siti" klubunda yeni müqavilə qeydə alınıb.
Newsport.az-ın məlumatına görə, Premyer Liqa təmsilçisi Ceymi Vardinin sözləşməsinin müddətini uzadıb. Bu barədə "tülkülər"in mətbuat xidməti məlumat yayıb.
İngiltərə millisinin üzvü 2024-cü ilədək "Lester Siti"nin uğurları üçün çalışacaq.
Qeyd edək ki, Ceymi Vardi "Lester Siti"yə 2012-ci ilin yayında "Fleetvud" klubundan transfer olunub. 35 yaşlı forvard bu müddət ərzində komandanın heyətində meydana çıxdığı 387 matçda 164 qol və 64 məhsuldar ötürmə ilə yadda qalıb.