"Azərbaycandan heç bir təklifim yoxdu. Hələ ki, gözləmə mövqeyindəyəm".

Newsport.az-ın məlumatına görə, bu sözləri Sportal.az saytına açıqlamasında Xulio Rodriqes deyib.

Başa çatan mövsümü “Sabah”da keçirmiş paraqvaylı forvard hazırda klubsuzdu.

Vaxtilə “Deportivo Çapiata”dan “Zirə”yə keçmiş forvard sonradan "Sabah"a keçmişdi. 31 yaşlı hücumçu yenidən ölkəmizdə oynamaq istəyir. Rodriqesin dediyinə görə, həyat yoldaşı da onun Azərbaycanda oynamağın əlehinə deyil:

​“Karyeramı Azərbaycanda davam etdirmək istəyərdim. Xanımım da Azərbaycanda yaşamaqdan xoşu gəlir. Amma təklif olmadığına görə nəsə deməyim doğru çıxmaz”.