“Mançester Siti” baş məşqçisi Pep Qvardiola ilə müqaviləni uzatmaq istəyir.
Newsport.az saytının məlumatına görə, komandanın Çempionlar Liqasında finala yüksələ bilməməsi də rəhbərliyin fikrini dəyişməyib.
“Şəhərlilər” 51 yaşlı mütəxəssisə yeni 2 illik sözləşmə təklif edib. İspaniyalı çalışdırıcı razılıq verərsə, 2025-ci ilin yayına qədər komandanın sükanı arxasında qalacaq.
Qeyd edək ki, Pep Qvardiola 2016-cı ildən “Mançester Siti”yə rəhbərlik edir. Onun rəhbərliyi altında komanda 10 kubok qazanıb.