Yığmamızın son rəqibi kim olacaq?

Kateqoriya: Dünya futbolu | Tarix: 29.03.2022 10:47

Bu gün UEFA Millətlər Liqasının pley-off mərhələsində cavab oyunları keçiriləcək. Newsport.az xəbər verir ki, ötən mövsüm C Liqasında öz qruplarını sonuncu pillədə başa vurmuş 4 komanda - Estoniya, Kipr, Moldova və Qazaxıstan D Divizionuna düşməmək üçün həlledici görüşlərə çıxacaqlar.

Günün ilk matçı Nur-Sultanda Qazaxıstan və Belarus yığmaları arasında olacaq. Meydan sahibləri ilk görüşdə 2:1 hesablı qələbə qazanıb. Bu cütün qalibi C Liqasında Azərbaycan, Slovakiya və Belarusun yer aldığı 3-cü qrupa, məğlubu isə D Liqasında Andorra, Latviya və Lixtenşteynin mübarizə aparacağı 1-ci qrupa düşəcək.

Digər qarşılaşmada isə Kipr yığması Larnakada Estoniyanı sınağa çəkəcək. Komandalar arasındakı ilk oyunda hesab açılmayıb. Bu cütün güclüsü C Liqasında Şimali İrlandiya, Yunanıstan və Kosovo ilə, məğlub tərəf isə D Liqasında San-Marino və Malta ilə birlikdə 2-ci qrupda yer alacaq.

UEFA Millətlər Liqası, pley-off

Cavab oyunları

29 mart

18:00. Qazaxıstan – Moldova

İlk oyun - 2:1

20:00. Kipr – Estoniya

İlk oyun - 0:0

Paylaş