"Mançester Yunayted" növbəti mövsüm üçün Çempionlar Liqasına vəsiqə qazanmasa, bəzi futbolçularının maaşını azaldacaq. 

Newsport.az xəbər verir ki, bu barədə "The Atletic" məlumat yayıb. Komanda mövsümü ilk "4-lük"də bitirə bilməsə, bəzi futbolçularının məvacibi 25 faizədək azalacaq. Həmin oyunçuların müqaviləsində bu maddə öz əksini tapıb. Lakin komandada elə futbolçular da var ki, komanda ÇL-ə vəsiqə qazanmasa da, maaşları dəyişməyəcək . Onların arasında yarımmüdafiəçi Pol Poqba da var. 

Daha əvvəl məlum olmuşdu ki, "Mançester Yunayted" Premyer Liqanın ilk "4-lüy"ünə düşə bilməsə, Kriştiano Ronaldonun maaşı həftədə 480 min sterlinqdən 360 sterlinqə enəcək.

Qeyd edək ki, "Mançester Yunayted" hazırda Premyer Liqanın turnir cədvəlində 50 xalla 5-cidir.