“Mançester Siti”nin baş məşqçisi Xosep Qvardiola Premyer Liqanın 27-ci turunda “Everton”la oyunda (1:0) qazandıqları qələbəni şərh edib.

Newsport.az “Sky Sports”a istinadən xəbər verir ki, ispan mütəxəssis qələbə qazanmaq üçün hər şey etdiklərini deyib:

“Etiraf etməliyəm ki, bu qələbə həqiqətən vacib idi. İkinci hissə bizim üçün daha yaxşı keçdi. “Qudison Park”da oynamaq bizim üçün həmişə çətin olur. Yaxşı qələbə qazandıq və irəliyə doğru daha bir addım atdıq. Ümumiyyətlə, oyuna nəzarət edirdik. Qələbə qazanmaq üçün hər şey etdik”.