"Brentford"un yeni transferi Kristian Eriksen komandanın heyətində ilk oyununu keçirib.
Newsport.az "Sky Sports"a istinadən xəbər verir ki, Danimarka millisinin üzvü "Sauthend Yunayted"lə yoxlama görüşündə (3:2) 60 dəqiqə meydanda olub. Bu gün 30 yaşını qeyd edən futbolçu 1 qolun ötürməsini də verib.
Xatırladaq ki, Avro-2020-nin qrup mərhələsində iyunun 12-də keçirilən Danimarka – Finlandiya görüşünün ilk hissəsində huşunu itirən Erikseni 15 dəqiqəlik tibbi müdaxilədən sonra həyata qaytarmaq mümkün olmuşdu. O, sözügedən hadisədən sonra bu gün ilk dəfə oynayıb.