"Barselona" "Mançester Siti"nin yarımmüdafiəçisi Ferran Torresi transfer etmək niyyətindədi.

Newsport.az xəbər verir ki, 21 yaşlı futbolçunun xidmətində şəxsən Xavi maraqlıdı.

Belə ki, baş məşqçi İspaniya millisinin futbolçusunu sərəncamında görmək istəyir. "Şəhərlilər" isə Ferrana görə qarşı tərəfdən 50 milyon avro tələb edir. Klub Koutinyonu qışda satacağı təqdirdə Ferran üçün tələb olunan məbləği "Mançester Siti"yə verəcək.

"Valensiya" yetirməsi olan Ferran 2020-ci ildən "Mançester Siti"də çıxış edir.