“Spartak”ın (Moskva) yeni baş məşqçisinin adına aydınlıq gəlib.

Newsport.az klubun rəsmi saytına istinadən xəbər verir ki, paytaxt təmsilçisini Ruy Vitoriya çalışdıracaq. 51 yaşlı mütəxəssislə 2 illik müqavilə imzalanıb.

Qeyd edək ki, portuqaliyalı çalışdırıcının son komandası Səudiyyə Ərəbistanı təmsilçisi “Əl-Nəsr” olub. O, daha əvvəl ölkəsində “Pasuş de Ferreyra”, “Vitoriya Gimaraynş”, “Benfika” kimi komandaları da çalışdırıb. Təcrübəli mütəxəssis “Benfika” ilə iki dəfə Portuqaliya çempionu olub, eləcə də başqa titullar qazanıb.