Viktor Valdes "Barselona"ya qayıdacaq.

Newsport.az-ın məlumatına görə, 39 yaşlı veteran qapıçı klub prezidenti Xoan Laportanın iş təklifini qəbul edib. İspaniya millisinin keçmiş üzvü klubun futbol akademiyasında qapıçılar üzrə məşqçi vəzifəsini yerinə yetirəcək. O, yeni mövsümdən fəaliyyətə başlayacaq.

Valdes 2002-2014-cü illərdə "Barselona"da çıxış edib. O, 2019-cu ildə katalonların U-19 komandasına baş məşqçi təyin edilib və 3 ay bu vəzifədə işləyib.