"Atletiko" "Barselona"nın futbolçusu Luis Suaresi transfer edib.

Newsport.az klubun saytına istinadla xəbər verir ki, Madrid təmsilçisi 33 yaşlı hücumçu ilə 2 illik müqavilə imzalayıb. "Hindular" uruqvaylı futbolçunun keçidinə görə 6 milyon avro təzminat ödəyib. Təcrübəli forvardın performansına görə qarşı tərəfə bonuslar da ödənəcək.

Suares ötən mövsüm "Barsa"da keçirdiyi 36 oyunda 21 qol vurub, 12 məhsuldar ötürmə edib.