Argentina Futbol Federasiyasının prezidenti Klaudio Tapia ölkədə futbol mövsümünü erkən bitirdiklərini açıqlayıb.

Newsport.az "TNC Sports"a istinadən xəbər verir ki, qurum rəhbəri koronavirus pandemiyasına görə belə qərar verdiklərini deyib:

"Mövsümü erkən bitirməyə qərar verdik. Futbolçular qurumlar səhiyyə qurumları icazə verdikdə yaşıl meydana qayıdacaq. Futbol ailəsinin hər üzvünün sağlamlığı təhlükədə olmadıqda başlayacağıq. Sağlamlıq hər şeydən önəmlidir".

Federasiya prezidenti 2 mövsüm aşağı liqaya klub düşməyəcəyini deyib. Yüksək liqada isə komandaların sayı artacaq və 2021/22 mövsümündə 24 deyil, 28 klub mübarizə aparacaq.