PSJ-dən ayrılacağı gözlənilən Neymarın adı sabiq klubu "Barselona" ilə hallanmağa davam edir.
Newsport.az-ın məlumatına görə, kataloniyalılar braziliyalı hücumçunu transfer etməyə yaxındır. "Barselona"nın bu keçid üçün 222 milyon avro xərcləyəcəyi iddia edilib.
Paris klubu 27 yaşlı futbolçunu 2017-ci ildə "Barselona"dan 222 milyon avroya transfer etmişdi.
"Barselona"da klub prezidentinin köməkçisi olan Xori Kardoner İspaniya mətbuatına açıqlamasında Neymarın geri dönmək arzusunda olduğunu açıqlamışdı:
"Neymarın geri dönmək istədiyi doğru məlumatdır. Ancaq "Barselona" onunla müqavilə bağlamağı düşünmür. PSJ-yə gedərkən xoşumuza getməyən və çözülməsi lazım olan bəzi məsələlər var".