"Barselona"da əsas heyətə düşməyi bacarmayan Tomas Vermalen komandadan ayrılmaqla bağlı qərar verib.

Newsport.az saytının məlumatına görə, bu barədə İspaniya mətbuatı məlumat yayıb. Belçika millisinin üzvü agentinə klub tapmasıyla bağlı söhbət edib.

"Barselona" 2019-cu ilə qədər müqaviləsi olan 32 yaşlı müdafiəçinin ayrılıq qərarına qarşı çıxmır. 

Qeyd edək ki, Vermalen 2014-cü ildə "Arsenal"dan "Barselona"ya keçib.