DÇ-2018: Fransa və Xorvatiya 1/8 finalda, Argentina şokda Yenilənib

Kateqoriya: Dünya futbolu | Tarix: 21.06.2018 23:56

Dünya çempionatında bu gün daha 3 oyun keçirilib.

Newsport.az-ın məlumatına görə, ilk olaraq C qrupunda ikinci turun matçları oynanılıb.

Əvvəlcə meydana Danimarka və Avstraliya yığmaları çıxıb. Matç 1:1 hesabı ilə başa çatıb.

Fransa millisi Peru yığması ilə qarşılaşıb. 1:0 hesabı ilə qalib gələn fransızlar 1/8 finala adlayıb. İki oyundan xal toplaya bilməyən Peru millisi isə qrupda qalıb.

Günün son matçında isə Argentina və Xorvatiya yığmaları görüşüb. D qrupunda ikinci turun ilk matçına maraq böyük idi. Çempionatın favoritlərindən olan, lakin birinci oyunda qələbəyə həsrət qalan Argentina yığması xorvatlarla görüşdə daha pis nəticə göstərib. Qapısından 3 cavabsız qol buraxan Lionel Messinin kapitanı olduğu komanda qrupdan çıxmaq işini çətinə salıb. Xorvatiya isə bu qələbə sayəsində xalını 6-a çatdıraraq 3-cü turdakı oyunun nəticəsindən asılı olmayaraq, 1/8 finala yüksəlib.

DÇ-2018

21 iyun

II tur

D qrupu

22:00. Argentina - Xorvatiya - 0:3
Qollar: Ante Rebiç, 53, Luka Modriç, 81, İvan Rakitiç, 90
Baş hakim: Ravşan İrmatov (Özbəkistan)
Nijni Novqorod, "Nijni Novqorod" stadionu

22 iyun

Nigeriya - İslandiya

.	Xorvatiya	2	2	0	0	5:0	6
2.	İslandiya	1	0	1	0	1:1	1
3.	Argentina	2	0	1	1	1:4	1
4.	Nigeriya	1	0	0	1	0:2	0

C qrupu

19:00. Fransa - Peru - 1:0
Qol: Kilian Mbappe, 34
Baş hakimlər: Məhəmməd Abdulla Məhəmməd (BƏƏ)
Yekaterinburq, "Yekaterinburq Arena"

16:00. Danimarka - Avstraliya - 1:1
Qollar: Kristian Eriksen, 7 (1:0), Mayl Yedinak, 38-pen (1:1)
Baş hakim: Antonio Matyö Lahoz (İspaniya)
Samara, "Samara Arena"