Meksikada futbol hakim oyunçunu qırmızı vərəqə ilə cəzalandırdığı üçün dünyasını dəyişib.

Newsport.az xəbər verir ki, hadisə həvəskarlar arasında keçirilən oyun zamanı baş verib. Belə ki, Hakim Xose Valdemar Ernandes Kapitilyo futbolçulardan birinə qırmızı vərəqə göstərərək meydandan qovub. Matç birdikdən sonra futbolçuların hücumuna məruz qalan baş hakim ağır şəkildə xəsarət alaraq, Halapa şəhərində yerləşən xəstəxanaya yerləşdirilib. 1 həftə komada yatan Kaptiliyo sonra vəfat edib. 

Qeyd edək ki, Meksika Hakimlər Assosasiyasının prezidenti Valentin Ramires bununla bağlı lazımi ölçü götürüləcəyini bildirib.