“Liverpul”un futbolçusu Filipe Koutinyonun adı yay transfer pəncərəsində “Barselona” ilə hallansa da keçid baş tutmayıb.

Newsport.az-ın məlumatına görə, Kataloniya klubunun idman direktoru Albert Soler bu transferin baş tutmamasının səbəblərindən danışıb:

“Liverpul” Koutinyo üçün bizdən 200 milyon avro istədi. Əlbəttə, biz də bu transferi gerçəkləşdirmədik. Qarşı tərəf açıq-aşkar oyunçusunu satmaq istəmirdi. Futbol artıq klubların deyil, sponsorların oyunudur. Biz bu transfer üçün risk edə bilməzdik”.

Qeyd edək ki, Koutinyo 2013-cü ildən "Liverpul"da çıxış edir.