Ölkəmizi Çempionlar Liqasında təmsil edən "Qarabağ"ın pley-off mərhələsindəki rəqibi “Kopenhagen”in futbolçusu Erik Yohansson əməliyyat olunub.

Newsport.az-ın məlumatına görə, buna təcrübəli futbolçunun dizin bağlarından xəsarət alması səbəb olub.

Belə ki, bu ölkə çempionatının IV turunda "Horsens"lə matçda zədə alan Yohanssonun çarpaz bağları qırılmışdı. Nəticədə həkimlər onun əməliyyata ehtiyacının olduğunu bildirmişdilər.

Klub 28 yaşlı müdafiəçinin əməliyyatının uğurlu keçdiyini açıqlayıb. Yohanssonun 6-9 ay ərzində sıraya dönəcəyi bildirilir.

Qeyd edək ki, vitse-kapitan ötən ildən "Kopenhagen"in uğurları üçün çalışır.