“Barselona”nın oyunçusu İvan Rakitiç “Real”la Beynəlxalq Çempionlar Kubokundak oyundan (3:2) sonra görüşün amerikalı hakimi Ceyr Marrufo barədə açıqlamalar verib.
Newsport.az-ın İspaniya mətbuatına istinadən yaydığı xəbərə görə, xorvat futbolçu qeyd edib ki, matçın gedişində referi onu üç dəfə təhqir edib:
“Tanıyanlar bilir ki, məni özümdən çıxarmaq çətindir. Amma hakim bunu bacardı. O, düz üç dəfə məni çox sərt şəkildə təhqir etdi. Mən adətən, hakimlərə hörmət edirəm, amma olur ki, onlardan hansısa xoşuma gəlmir. Həmin hakim məni təhqir etməklə özünü kimlərəsə göstərmək istədi”.
Qeyd edək ki, matçın gedişində Rakitiç və Marrufo mübahisə də ediblər.