"Barselona"nın üzvü Xerar Pike Ernesto Valverdenin komandanın yeni baş məşqçisi olacağı ilə bağlı xəbərlərə münasibət bildirib.

Newsport.az-ın məlumatına görə, ölkə mətbuatına açıqlama verən ispaniyalı müdafiəçi təcrübəli mütəxəssisin Kataloniya təmsilçisi üçün yaxşı seçim olduğunu deyib:

"Son illərdə Ernesto "Atletik" üçün möhtəşəm işlər görüb. O, "Barselona"da futbolçu kimi də çıxış edib. Düşünürəm ki, o, komanda üçün yaxşı seçim ola bilər. Bu, sadəcə mənim fikrimdir. Yeni məşqçinin kimliyi haqda heç bir məlumatım yoxdur".