İngiltərənin “Çelsi” klubu yeni mövsüm üçün transfer fəaliyyətini davam etdirir.
Newsport.az-ın məlumatına görə, “zadəganlar” “Roma”nın aparıcı futbolçusu Raca Naynqolanla danışıqlara başlayıb. Bunu 28 yaşlı futbolçunun özü də təsqidləyib. Belçikalı oyunçu “Çelsi”nin baş məşqçisi Antonio Konte ilə transferi haqda müzakirələr apardığını deyib:
“Bəli, Premyer Liqada çıxış etmək variantım var. Konte özü mənimlə transferim haqda müzakirələr aparıb. Yekun qərarımı yayda verəcəm”.
Qeyd edək ki, Naynqolan 2014-cü ildən “Roma”da çıxış edir. Onun “canavarlar”la müqaviləsi 2020-ci ilin yayında başa çatacaq.