“Siti” və “Yunayted” rəhbərliyi Mançester derbisinin keçirilmə vaxtı ilə bağlı razılığa gəliblər. 

Newsport.az-ın məlumatına görə, “Mançester Siti” “Qırmızı şeytanlar”ı aprelin 27-də, cümə axşamı qəbul edəcək. 

Bu oyun fevralın 26-da keçirilməli olsa da, “Mançester Yunayted”in İngiltərə Liqa kubokunun finalına çıxması səbəbindən təxirə düşmüşdü. 

Qeyd edək ki, sonuncu dəfə cümə axşamında Mançester derbisi 23 il əvvəl olub və həmin matçda “Yunayted” rəqibini 5:0 hesabı ilə darmadağın edib.